Forsíða Skilmálar Spurt og Svarað Samstarfsaðilar Um 2fyrir1.is Hafðu samband Staðfestingarkóði

Spurt og Svarað

Af hverju þarf ég að gefa upp kennitölu þegar ég skrái mig?
Við þurfum kennitöluna þína til að aðgreina þig frá öðrum notendum á vefnum. Kennitalan verður einnig prentuð á útprentanir af vefnum. Kennitalan kemur í staðinn fyrir sérstakt klúbbskírteini því að þú framvísar útprentun og persónuskilríkjum þegar þú nýtir þér tilboð.

Vefurinn heitir 2 fyrir 1.is. Þarf ég þá að taka einhvern með mér ef ég vil nýta tilboðin á vefnum?
Nei, ekki endilega. Hvert tilboð getur haft ólíka skilmála en almenna reglan er sú að tilboðin skulu ávallt vera 50% afsláttur eða 2 fyrir 1. Þannig getur þú nýtt þér sum tilboð án þess að þurfa að kaupa tvo hluti.

Ég get ómögulega munað lykilorðið mitt, hvað get ég gert?
Til að fá lykilorðið sent ferð þú inn á hlekkinn „Gleymt lykilorð“ og slærð einfaldlega inn kennitöluna og netfangið sem þú skráðir þig með. Þú færð sendan tölvupóst frá okkur innan 5 mínútna. Ef þetta tekst ekki hafðu þá samband við okkur.

Ég er búin/n að skrá mig en get ómögulega innskráð mig?
Þú gætir hafa skráð inn rangar upplýsingar í upphafi. Hafðu samband við okkur og við hjálpum þér að leysa vandamálið.

Hvernig sýni ég fram á að ég sé klúbbmeðlimur í 2fyrir1.is?
Þegar þú hefur fundið tilboð sem þú vilt nýta þér á vefnum smellirðu á „Prenta út tilboð“. Útprentunin er sönnun þess að þú megir nýta þér tilboðið sem klúbbmeðlimur 2fyrir1.is. Þegar þú kaupir vöru eða þjónustu framvísar þú útprentuninni ásamt persónuskilríkjum.

Þarf ég ekki skírteini eða kort frá ykkur?
Nei, þú þarft aðeins útprentun af tilboðum af 2fyrir1.is og persónuskilríki.

Af hverju er ekki sami gildistími á tilboðum á vefnum og á útprentuninni?
Útprentanir gilda eingöngu í stuttan tíma (lengst í 2 mánuði en þó aldrei lengur en sjálft tilboðið) eftir að prentað hefur verið út, jafnvel þótt tilboðið sjálft gildi lengur. Þú getur þó alltaf prentað tilboðið út aftur til að lengja gildistíma útprentunar.

Get ég nýtt mér tilboðin þótt ég eigi ekki prentara?
Sum tilboðin krefjast þess ekki að þú komir með útprentun á staðinn en okkar kröfur eru þær að ávallt sé mætt með útprentun. Ef þú vilt nýta þér tilboð en hefur alls ekki möguleika á að prenta út miða geturðu prófað að setja þig í samband við umrætt fyrirtæki og spurt starfsfólkið hvort þú getir nýtt þér tilboðið án útprentunar af 2fyrir1.is. Við mælum samt með því að þú smellir á „Prenta út tilboð“, skrifir niður „staðfestingarkóðann“ og framvísir honum þegar þú kaupir vöruna. Kóðinn ætti að vera neðarlega á blaðinu, en athugaðu að hann kemur ekki fram ef tilboð má nota í ótakmarkaðan tíma.

Hverjir hafa aðgang að upplýsingum eins og kennitölu minni og netfangi?
Aðeins umsjónarmenn 2fyrir1.is hafa aðgang að þeim upplýsingum sem þú gefur upp á 2fyrir1.is og verða þær upplýsingar aldrei framseldar til þriðja aðila. Samstarfsaðilar 2fyrir1.is fá aldrei uppgefnar persónuupplýsingar um þig og hvað þú gerir á vefnum.

Af hverju er frítt að vera klúbbmeðlimur og mun ég einhvern tímann þurfa að borga?
Samstarfsaðilar 2fyrir1.is borga fyrir plássið á vefnum og því getum við boðið klúbbmeðlimum að njóta afsláttarins frítt. Stefnan er sú að vefurinn verði ætíð ókeypis fyrir einstaklinga en ef það breytist verður þú að sjálfsögðu látin/n vita með góðum fyrirvara.

Af hverju eru sumir samstarfsaðilar ykkar ekki með tilboð á vefnum?
Samstarfsaðilar 2fyrir1.is ráða gildistíma tilboða og geta sett inn og tekið út tilboð eins oft og þeir vilja. Það gerir 2fyrir1.is að mun virkari afsláttarklúbbi en t.d. þau afsláttarkort sem hafa lengi verið á markaðinum. Í hverjum mánuði eða jafnvel vikulega eru komin ný spennandi tilboð inn á 2fyrir1.is handa þér.

2fyrir1.is | Laugavegi 8 | 101 REYKJAVÍK | SÍMI 615 1881 | 2FYRIR1@2FYRIR1.IS